Frá og með 1. janúar 2025 hækkar verðskrá Orku náttúrunnar um 8,1% vegna aukins kostnaðar við orkuöflun. Orkuöflun samanstendur af orkukaupum og eigin framleiðslu virkjana ON.  

Verð til almennra notenda ON fer úr 10,55 kr. í 11,41 kr. á kWh m. vsk.og verð á almennri rafmagnsnotkun á Vildarkjörum fer úr 9,50 kr. í 10,27 kr. á kWh m. vsk. Reikningur meðalheimilis mun því hækka um u.þ.b. 323 kr. á mánuði. Sjá verðskrá ON hér. 

Fyrir þau sem vilja kynna sér þróun og stöðu raforkumarkaðar bendum við á Raforkuvísa Orkustofnunar sem má nálgast hér. 

Við hvetjum viðskiptavini okkar til að nýta betur og nota minna því það er besti sparnaðurinn fyrir einstaklinga, heimili og umhverfið. Það eru ýmsar leiðir til að ná niður notkuninni og lumum við á nokkrum góðum ráðum sem hægt er að kynna sér hér.