ON - Flutningar

Flutningur og breytingar

Flutningar - Upplýsingar

Flutningar eru spennandi – nýtt heimili, nýtt ævintýri! Til hamingju með eignina.

Við vitum líka að það er að mörgu að huga. Húsgögnin á réttan stað, pappírar í lagi og rafmagnið og jafnvel hleðslustöðin líka.

Það gleymist oft að láta vita af flutningi á raforku. Ekki örvænta - það er einfalt að ganga frá því.

Þegar skrá þarf nýja kennitölu

Stundum koma upp aðstæður þar sem breyta þarf skráningu á rafmagnsmæli, til dæmis í kjölfar breyttra fjölskylduaðstæðna eða vegna dánarbús.

Við sendum hlýjar kveðjur og viljum benda á, ef þörf er á að skrá nýja kennitölu fyrir rafmagnsmæli, er það bæði einfalt og fljótlegt. Mikilvægt er að réttar upplýsingar séu skráðar, svo tryggja megi greiða og örugga þjónustu.

Hvað þarf að gera?

Hafa samband við dreifiveituna og tilkynna flutninginn:

Smá hjálp á leiðinni

Þegar kennitalan er ekki lengur skráð fyrir mælinum, þá hætta viðskiptin sjálfkrafa hjá ON. Það má þó alltaf eiga vona á því að fá loka reikning, sér í lagi ef flutningur á sér stað eftir 10. hvers mánaðar.

Við erum hér fyrir þig svo endilega sendu okkur póst eða heyrðu í okkur á netspjallinu okkar og við aðstoðum.

Hér finnur þú hagnýtar upplýsingar um raforkumarkaðinn.

Láta okkur vita – ef þú ert að kaupa fyrstu eign eða vilt tryggja að Orka náttúrunnar fylgi þér á nýja heimilið.

Flytja í þína fyrstu eign - þá þarf að velja sér raforkusala. Þú getur auðveldlega skráð þig í viðskipti hjá okkur hér.

Flutt áður - þá þarf ekki endilega að gera neitt - en það getur verið gott að athuga og ganga úr skugga um að við séum áfram raforkusalinn þinn. Þú getur athugað stöðuna hér.

Nokkur fleiri atriði sem gott er að muna við flutning:

Breyta lögheimili á https://Ísland.is

Láta banka, tryggingafélag og aðra þjónustuaðila vita af nýju heimilisfangi

Tilkynna póstinum svo bréfin þín rati á réttan stað

Skrá bílastæði eða önnur leyfi ef það á við á nýja heimilinu