Árni Hrannar Haraldsson framkvæmdastjóri Orku náttúrunnar, var kjörinn í stjórn Samorku, samtaka orku- og veitufyrirtækja, í dag ásamt þeim Aðalsteini Þórhallssyni framkvæmdastjóra HEF Veitna og Ríkarði Ríkarðssyni framkvæmdastjóra Viðskiptaþróunar og nýsköpunar hjá Landsvirkjun en þeir koma allir nýir inn í stjórn samtakanna.

Í stjórn sitja jafnframt áfram þau Magnús Kristjánsson forstjóri Orkusölunnar, Páll Erland forstjóri HS Veitna og Guðlaug Sigurðardóttir framkvæmdastjóri fjármála og árangurs hjá Landsneti.

Þá var Sólrún Kristjánsdóttir, framkvæmdastýra Veitna, kjörin stjórnarformaður Samorku. Hún tekur við embættinu af Kristínu Lindu Árnadóttur, aðstoðarforstjóra Landsvirkjunar, sem gegnt hefur stöðunni síðustu tvö ár.

Hjörvar Halldórsson sviðsstjóri veitu- og framkvæmdasviðs Skagafjarðar var kjörinn varamaður í stjórn Samorku í fyrsta sinn. Björk Þórarinsdóttir framkvæmdastjóri fjármála- og upplýsingatæknisviðs HS Orku og Kristín Linda Árnadóttir aðstoðarforstjóri Landsvirkjunar taka sæti í varastjórn og áfram eru þau Eyþór Björnsson forstjóri Norðurorku og Hrefna Hallgrímsdóttir forstöðumaður vatnsmiðla hjá Veitum varamenn.

Stjórn Samorku er þannig skipuð að loknum aðalfundi 2025:

• Sólrún Kristjánsdóttir Veitur – stjórnarformaður

• Árni Hrannar Haraldsson ON

• Magnús Kristjánsson Orkusölunni

• Páll Erland HS Veitur

• Aðalsteinn Þórhallsson HEF Veitur

• Ríkarður Ríkarðsson Landsvirkjun

• Guðlaug Sigurðardóttir Landsnet

Til vara í stjórn:

• Björk Þórarinsdóttir HS Orka

• Eyþór Björnsson, Norðurorka

• Hjörvar Halldórsson, Skagafjarðarveitur

• Hrefna Hallgrímsdóttir, Veitur

• Kristín Linda Árnadóttir, Landsvirkjun