Listasafn Árnesinga er 60 ára í ár en af því tilefni er áætlað að endurbæta lóðina í kringum safnið og gera lóðina meira sjarmerandi. Hugmyndin er að bjóða með þessu upp á á nýtt svæði fyrir utan safnið þar sem verður að finna matjurtakassa með jarðaberjum, kryddjurtum og kartöflum en einnig er ætlunin að gróðursetja nýja berjarunna þar sem að hægt verður að sækja sér ber til að borða strax eða nota í sultu. Með þessu geti fólk notið svæðisins eftir að hafa skoðað heimsklassa myndlist og týnt ýmislegt gómsætt til að njóta með matnum.

Árnesingar eiga elsta listasafn utan höfuðborgarinnar og eru góðir nágrannar okkar. Það er því heiður að geta orðið að liði við þessa afmælishátíð þeirra. Orka náttúrunnar hefur ákveðið að styrkja verkefnið um 500.000 krónur.

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.