Hraðhleðslustöðvar ON í Víðigerði lokaðar 18. og 19. ágúst vegna malbikunarframkvæmda

Orka náttúrunnar þarf að loka tímabundið aðgengi að hraðhleðslustöðvum sínum í Víðigerði vegna malbikunarframkvæmda á svæðinu.

Aðgengi að hleðslustöðvunum verður lokað um kl. 8 í fyrramálið, þriðjudaginn 18. ágúst til miðvikudagskvölds, 19. ágúst. Opnað verður aftur fyrir aðgengi að stöðvunum þegar framkvæmdum er lokið.

ON biður rafbílaeigendur sem eiga leið um Víðigerði þessa tvo daga að gera ráð fyrir lokun hraðhleðslustöðvanna. Hleðslustöðvar ON má finna á hleðslukorti ON og í ON-appinu.

Við biðjumst velvirðingar á þeim óþægindum sem lokunin kann að valda og við hlökkum til að geta leyft ykkur að hlaða á ný í Víðigerði þegar framkvæmdum lýkur og aðgengi er orðið enn betra.