Nú um áramótin verða gerðar breytingar á verðskrá ON, almennt söluverð á raforku hækkar um 8,9%. Á sama tíma hækkar afsláttur á heimilisrafmagni til þeirra viðskiptavina ON sem eru með ON-lykil úr 10% í 20%.

Smelltu hér ef þú ert ekki nú þegar með ON-lykil fyrir rafbílinn.

Breytingin á verði hefur það í för með sér að verð til almennra notenda ON fer úr 8,10 kr. í 8,82 kr. á kWs, þannig að meðalheimili er að hækka um u.þ.b. 300 kr. á mánuði.

Síðasta hækkun á birtri verðskrá ON var 1.janúar 2020 og þá um 0,6%, núverandi hækkun er í takt við þróun á vísitölu neysluverðs síðastliðin tvö ár.
Við hvetjum viðskiptavini okkar til að nýta betur og nota minna því það er besti sparnaðurinn fyrir þig og umhverfið. Það eru ýmsar leiðir til að ná niður notkuninni og lumum við á nokkrum góðum ráðum sem við hvetjum viðskiptavin okkar til að kynna sér.

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.