Fréttir
24. janúar 2020

Viðskiptavinir ON skora hæst í ánægjukönnun

Af viðskiptavinum raforkusala á Íslandi eru þau sem kaupa af Orku náttúrunnar ánægðust. Þetta eru niðurstöður Íslensku ánægjuvogarinnar 2019, sem voru kynntar af Stjórnvísi í dag. Þetta er í annað sinn sem ON kemur best út úr þessari mælingu á ánægju viðskiptavina.

„Þetta er frábær árangur sem næst aldeilis ekki af sjálfu sér. Þetta er afrakstur mikillar vinnu okkar allra því til að ná svona árangri þarf öll keðjan að vera traust, allt frá auðlindarannsóknum yfir í framleiðslu og sölu á rafmagni og ekki síst samskiptin við alla okkar viðskiptavini og samstarfsfólk,‘‘ segir Berglind Rán framkvæmdastýra Orku náttúrunnar um viðurkenninguna.

Markmið Ánægjuvogarinnar er að láta fyrirtækjum í té samræmdar mælingar á ánægju viðskiptavina og líka þeim þáttum hafa áhrif á hana. Þar á meðal eru ímynd fyrirtækjanna, mat á gæðum og tryggð viðskiptavina. Mæling sem þessi er talin mjög mikilvæg þar sem rannsóknir hafa sýnt fram á að því ánægðari sem viðskiptavinir fyrirtækis eru því betri afkomu getur fyrirtækið gert sér vonir um.

„Takk kæru viðskiptavinir fyrir þessa ánægjulegu viðurkenningu!“ bætir Berglind við.

Sigurvegarar Íslensku ánægjuvogarinnar 2019

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.