Ísland hefur einstakt tækifæri til að vera sjálfbært og sjálfstætt þegar kemur að orkumálum. Með því að skipta út jarðefnaeldsneyti fyrir hreina, endurnýjanlega orku getum við minnkað losun, aukið orkuöryggi og haldið fjármunum innanlands.

„Á hverju ári framleiðum við um 20 TWst (teravattstundir) af raforku á Íslandi. Full orkuskipti í flugi, skipum, þungaflutningum, verksmiðjum og almenningssamgöngum kalla vissulega á aukna raforkuframleiðslu á næstu áratugum. Á þessum áratugum þarf uppbygging að eiga sér stað í raforkukerfinu öllu og töluvert þarf að framkvæma. En það er ekki sokkinn kostnaður, því ávinningurinn er margþættur af þeim aðgerðum. Ávinningur fyrir loftslagið, orkuöryggi, fjárhag þjóðarinnar og samfélagið allt en einnig ímyndarlegur ávinningur. Við erum nefnilega í kjöraðstæðum til að byggja hér upp ímynd af landinu okkar sem er eftirsóknarverð og einstök.“

Tinna Jóhannsdóttir, forstöðumaður markaðsmála og sjálfbærni hjá ON, skrifaði grein um hvaða tækifæri felast í því að halda orkuskiptunum áfram og hvers vegna það skiptir máli fyrir okkur öll, fyrir heimilin, atvinnulífið og framtíð komandi kynslóða.

Við hvetjum ykkur til að lesa greinina í heild á Vísi.