Fréttir
19. nóvember 2020

Vetrarstillur juku styrk brennisteinsvetnis í Hveragerði

Snemma í morgun fór sólarhringsmeðaltal brennisteinsvetnis yfir umhverfismörk í Hveragerði. Mörkin eru við 50 míkrógrömm á rúmmetra að jafnaði í sólarhring en mælt er meðaltal undangenginna 24 klukkustunda og fór meðaltalið í um 52 míkrógrömm á rúmmetra.

Þegar styrkur var hæstur, frá síðdegi í gær fram undir morgun var frost og norðvestan gola sem stóð af virkjanasvæðinu yfir Hellisheiðina og að Hveragerði. Hitahvörf í lofti komu í veg fyrir dreifingu brennisteinsvetnisins með gufunni og þyngd þess gerir það að verkum að vetnið slæðist með jörðu.

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.