Í vikunni birtist greinin „Iceland‘s New Wave of Innovation“ í tímaritinu Sublime þar sem blaðamaðurinn Charlie Strand skrifaði um Jarðhitagarð og Orku náttúrunnar. Þar er fjallað um hvernig ON hefur tekist að sameina orkuframleiðslu, nýsköpun og hringrásarhugsun í Jarðhitagarðinum.

Þar kemur einnig fram að ON nýtir jarðhita til framleiðslu rafmagns og heits vatns og að um 90% íslenskra heimila séu hituð með jarðhitanum og að um 30–35% af raforku landsins sé framleidd í jarðhitavirkjunum.

Strand hefur heimsótt Ísland reglulega síðastliðin 20 ár og er heillaður af náttúrunni, nýsköpun og hugmyndaauðgi Íslendinga og þegar hann heyrði af verkefni sem sameinaði allt þetta fannst honum hann verða að heimsækja staðinn; Jarðhitagarð Orku náttúrunnar.

Við þökkum Charlie Strand fyrir komuna og hvetjum öll til að lesa greinina í tímaritinu Sublime.