Nú þegar góða veðrið leikur við okkur flest er augljóst að margir rafbílaeigendur hafa lagt land undir fót. Við sjáum aukna notkun á hleðslustöðvum okkar um allt land. Kerfið okkar er að höndla aukna notkun mjög vel en við höfum tekið eftir því að viðskiptavinir eru að hafa samband og spyrja hversu lengi megi hlaða í Hraðhleðslum okkar.

Við hvetjum okkar fólk til þess að hlaða nóg til að komast á næsta áfangastað eða upp í 80%, sérstaklega ef aðrir notendur eru að bíða eftir hleðslu. Það er hinsvegar alls ekki bannað að hlaða hærra en 80% sérstaklega ef viðkomandi þarf meiri orku til þess að komast á áfangastað.

Það er eins í þessu eins og svo mörgu öðru að við hvetjum fólk til að sýna tillitssemi og kurteisi og bera virðingu fyrir mismunandi þörfum rafbílaeigenda.

Orka náttúrunnar hefur verið í fararbroddi við uppbyggingu hleðsluinnviða hér á landi frá árinu 2014 og við erum stanslaust að bæta okkar stöðvar til að geta þjónað viðskiptavinum okkar sem best. Þetta er langtímaverkefni og á meðan þessari uppbyggingu stendur geta komið upp aðstæður þar sem fólk þarf að bíða eftir að komast að.

Þá er vert að nefna að þeir sem eru með stillt á „notification“ í appinu fá meldingu í símann þegar bíllinn er kominn í 80%. Það er ágætis áminning um að hleypa næsta notanda að.

Njótum sumarsins og hlöðum saman.

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.