Skriðtengi geta gert það að verkum að auðveldara verður að stjórna framleiðslu í jarðvarmavirkjunum og hægt verður að bora dýpra.

Í meðfylgjandi myndbandi útskýra sérfræðingar frá Orku náttúrunnar, Orkuveitunni og ÍSOR hvernig skriðtengin geta haft áhrif á orkuöflun og betri nýtingu auðlinda okkar.

Fyrirtækin vinna saman að þróun og prófun skriðtengjanna en þau voru nýlega sett niður í nýja vinnsluholu sem Orka náttúrunnar er að bora við Nesjavallavirkjun. Skriðtengin hafa verið í þróun í tíu ár en þeim er ætlað að leysa vandamál sem verða í borholum þegar þær hitna og verða þá til þess að fóðringar í holunum skemmast.