Kæru viðskiptavinir ON.

Það er margt að gerast á raforkumarkaði um þessar mundir og við erum afar spennt yfir því að mæta þeim áskorunum sem árið 2022 mun færa okkur.

Við hjá Orkuveitusamstæðunni höfum framleitt og selt rafmagn í yfir 100 ár og þykjumst því vita hvað það er sem skiptir viðskiptavini okkar máli. Viðskiptavinir Orku náttúrunnar eru sammála því enda hafa þeir verið í hópi þeirra allra ánægðustu þegar kemur að sölu á raforku síðustu ár. Þetta sjáum við bæði í Ánægjuvoginni, þar sem við höfum skorað hæst á þremur af síðustu fjórum árum, og í okkar eigin könnunum sem við gerum reglulega. Þetta er engin tilviljun í mínum huga enda leggjum við megin áherslu á að þjónusta, ráðleggja og hjálpa okkar viðskiptavinum þegar kemur að sölu á rafmagni.

Árið 2014 þegar færri en 100 manns áttu rafbíl hér á landi hófum við t.a.m uppbyggingu hleðslustöðva hringinn í kringum landið. Allt keyrt áfram til þess að hjálpa okkar viðskiptavinum að taka skrefið í átt að bættum heimi – orkuskiptunum í samgöngum. Og eins og þið vitið er nú hægt að keyra um landið, njóta náttúrunnar og nýta sér það sem í dag er orðið stærsta og þéttasta hleðslunet landsins. Enginn hleðslukvíði þar.

Um áramótin varð breyting á verðskrá ON þar sem almennt verð á raforku hækkaði um 8,9%. Á sama tíma hækkaði hins vegar afsláttur á heimilisrafmagni hjá þeim viðskiptavinum okkar sem eru með ON-lykil. Afslátturinn fór úr 10% í 20%  sem þýðir 7,056 kr. á kWs – það er næst lægsta verðið sem er í boði á markaði í dag. Síðan veitir ON-lykillinn auðvitað áfram 20% afslátt á hleðslustöðvum okkar.

Og ef einhver lendir vandræðum með rafmagnið hvort sem það er við að hlaða bílinn eða heima hjá þér geturðu alltaf haft samband við okkur. Við erum nefnilega eini raforkusalinn á landinu sem býður upp á aðstoð í síma allan sólarhringinn.

Líkt og ég sagði í upphafi er komandi ár afar spennandi og nú strax í janúar förum við af stað með Heimahleðslu ON í áskrift. Þar gefst fólki sem sér ekki hag sinn í að fjárfesta í kostnaðarsömum hleðslustöðvum tækifæri til þess að leigja af okkur heimahleðslustöð gegn vægu gjaldi. Engar áhyggjur, við sjáum um að reka og þjónusta stöðina ef eitthvað kemur uppá allt innifalið í mánaðargjaldinu.

Að lokum langar mig að segja ykkur frá því að við erum að innleiða nýtt bakendakerfi fyrir hleðslustöðvar okkar sem mun verða bylting fyrir okkar viðskiptavini. Samhliða því munum við innleiða nýtt app sem færir okkur enn nær framtíðinni og þeim kröfum sem fólk gerir í dag.

Áfram Orkuskiptin á árinu 2022

Kær kveðja,

Begga

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.