Fjölmargir háskólanemar sóttu árlegan Orku- og vísindadag sem fram fór í Elliðaárstöð síðastliðinn föstudag. Þar kynnti Orka náttúrunnar starfsemi sína eins og móðurfélagið, Orkuveitan, og hin dótturfélögin, Veitur, Ljósleiðarinn og Carbfix gerðu líka, með það í huga að háskólanemar hugsuðu um fyrirtækin sem eftirsóknarverðan vinnustað. 

Viðburðurinn var virkilega vel heppnaður og lá leið um 650 háskólanema í dalinn í góðu veðri. Þar miðluðu sérfræðingar ON fræðslu til gesta og kynntu störf sín sem eru afar fjölbreytt en hjá fyrirtækinu starfa meðal annars, rafmagnsverkfræðingar, líffræðingar, stærðfræðingar, sálfræðingar, efnaverkfræðingar, viðskiptafræðingar, tölvunarfræðingur, verkefnastjórar, félagsfræðingar.

Við þökkum öllum sem komu og heimsóttu okkur á Orku- og vísindadaginn kærlega fyrir komuna og skemmtilega samveru.