Nú um áramótin verður gerð breyting á verðskrá ON sem hefur það í för með sér að almennt söluverð á raforku hækkar um 6,3%.

Reynt hefur verið að hafa þessa hækkun eins milda og hægt er, en gjaldskrárhækkanir á rafmagni í heildsölu og hækkun á öðrum aðföngum hefur verið mikil og hefur vísitala neysluverðs hækkað um 9,6% sl. 12 mánuði.

Samhliða verða ekki gerðar breytingar á verði í hrað- og hverfahleðslum fyrir rafbíla, afsláttur fyrir viðskiptavini með ON appið er áfram 20% af heimilisrafmagni og á hleðslustöðvum.

Smelltu hér ef þú ert ekki nú þegar með ON-appið fyrir rafbílinn.

Breytingin á verði hefur það í för með sér að verð til almennra notenda ON fer úr 8,98 kr. í 9,55 kr. á kWh, þannig að meðalheimili er að hækka um u.þ.b. 200 kr. á mánuði.

Við hvetjum viðskiptavini okkar til að nýta betur og nota minna því það er besti sparnaðurinn fyrir þig og umhverfið. Það eru ýmsar leiðir til að ná niður notkuninni og lumum við á nokkrum góðum ráðum sem við hvetjum viðskiptavini okkar til að kynna sér.

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.