Stæðin sem staðsett eru á 32 stöðum í Reykjavík og 4 stöðum í Garðabæ eru fyrir tvo til sex rafbíla í hleðslu. Hleðslunum verður komið fyrir í samstarfi við sveitarfélögin tvö við almenn bílastæði í þeirra eigu; við skóla, verslanir, sundlaugar og menningarstofnanir.

Með þessari innviðauppbyggingu  er tekið stórt skref til að efla orkuskipti og koma til móts við þarfir allra rafbílaeigenda, þ.m.t. einstaklinga, fyrirtæki og stofnanir.

20% afsláttur til þeirra sem eru í heimilisviðskiptum

Til að geta nýtt sér hleðslurnar þurfa rafbílaeigendur að vera með ON lykil og eigin hleðslusnúru. Verðið er 25kr/kWs og 0,5 kr/mín. Viðskiptavinir sem eru einnig með heimili sitt í viðskiptum hjá ON fá 20% afslátt af verðskrá.

Þegar eru um helmingur hleðslustöðvanna komnar upp og gert er ráð fyrir að klára uppsetningar á öllum staðsetningum á næstu vikum.

Hægt er að skoða staðsetningar hleðslustöðvanna á hleðslukorti ON og í hleðsluappinu (ON Hleðsla). Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.