Það hefur væntanlega ekki farið fram hjá neinum að mikið hefur gengið á veðrinu undanfarið og fengu hleðslustöðvarnar okkar heldur betur að finna fyrir því.

Sérfræðingarnir okkar í hraðhleðsluteyminu fylgdust með hvernig hleðslurnar víðsvegar um landið blikkuðu inn og út í takt við línur Landsnets og Rarik en flest allur búnaður stóðst þó prófið og hvorki fauk né bugaðist undan útleysingum og spennusveiflum:

• Búið er að skipta um hraðhleðsluna í Smáralind

• Hraðhleðslurnar á Kirkjubæjarklaustri, Jökulsárlóni og Nesjahverfi Höfn eru komnar í lag

• Truflun á rafmagni í Þorlákshöfn orsakað bilun í hraðhleðslunni þar og því miður næst ekki að laga hana fyrr en á nýju ári, við bendum á hraðhleðslur ON á Hellisheiði, Hveragerði og á Selfossi.

Við erum alltaf á vaktinni þannig að ef þú lendir í vandræðum getur þú alltaf haft samband við okkur.  Við mælum með að rafbílaeigendur sæki ON hleðsluappið til að geta fundið lausa hleðslustöð og fylgst með sinni notkun. Einnig er hægt að fylgjast með stöðunni á hleðslustöðvunum okkar hér.

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.