Orka Náttúrunnar og Reykjavíkurborg stóðu nýlega fyrir samkeppni um ljósaverk í samstarfi við Miðstöð hönnunar og arkitektúrs. Þau tvö verk sem hlutskörpust urðu í samkeppninni munu leika lykilhlutverk í Ljósaslóð Vetrarhátíðar 2021 sem fram fer með breyttu sniði dagana 4.-7. febrúar næstkomandi.

Um er að ræða verkin Samlegð/Synergy  eftir Katerina Blahutova og Þorstein Eyfjörð Þórarinsson sem vann fyrsta sæti og verður í garðinum við listasafn Einars Jónssonar og hins vegar verkið Truflun/Interference eftir Litten NystrØm og Harald Karlsson sem verður varpað á Hallgrímskirkju.

Á Ljósaslóð Vetrarhátíðar verður lögð áhersla á ljóslista- og útilistaverk í borgarlandinu.  Ljósaslóð Vetrarhátíðar mun því lýsa upp skammdegið á skapandi hátt og mynda skemmtilega gönguleið frá Hallgrímskirkju niður á Austurvöll og að Ráðhúsi Reykjavíkur.  Rúmlega 20 ljóslistaverk munu lýsa leiðina og verður þeim varpað á byggingar og glugga öll kvöld hátíðarinnar frá kl 18-21.

Kort af vetrarhátíð (pdf)

Nánari upplýsingar um vetrarhátíð

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.