Árni Hrannar Haraldsson, framkvæmdastjóri Orku náttúrunnar, kynnti starfsemi fyrirtækisins á Evrópsku jarðvarmaráðstefnunni 2025, sem fer fram í Berlín dagana 8.–9. september.

Fyrirlestur Árna Hrannars sem kallaðist „Drilling Multiple High-Temperature Wells in the Next Two Years“ fjallaði um boranir á fjölda háhita­hola sem ON ætlar að ráðast í á næstu tveimur árum. Árni fór meðal annars yfir umfang verkefnisins sem felur í sér bæði töluverðar rekstrarlegar og viðskiptalegar áskoranir.

Evrópska jarðvarmaráðstefnan er einn helsti vettvangur jarðvarmageirans í Evrópu þar sem helstu sérfræðingar, stjórnvöld og fjárfestar koma saman til að ræða framtíð hans, helstu tækifæri og áskoranir.

Auk þess að halda fyrirlesturinn stjórnaði Árni pallborðsumræðum undir yfirskriftinni „Digital Innovation in Geothermal“ þar sem rætt var hvernig stafrænar lausnir geta stutt við framþróun í jarðvarmageiranum.

Þátttaka Orku náttúrunnar á ráðstefnunni undirstrikar forystu Íslands í nýtingu jarðvarma og þá sérstöðu sem íslenskur jarðhiti hefur á heimsvísu.