Nemendur frá skoska Háskólanum UHI Inversness komu í heimsókn í Andakílsárvirkjun nýverið til að fræðast um rekstur virkjunarinnar í tengslum við umhverfismál. Virkjunin var gangsett árið 1947 og er hluti af vélum hennar upprunalegur og þótti nemendunum áhugavert að sjá inn í vélasalinn.

Hópurinn skoðaði einnig náttúrulegu bakkavarnirnar í Andakílsá sem gerðar voru árið 2022 með því, meðal annars að koma um 400 trjábolum með rótum fyrir í bakkanum til að styrkja hann, ásamt því sem um 80 lifandi birki og víðitré voru gróðursett í svæðið. 

Okkur hjá Orku náttúrunnar þykir vænt um að fá heimsóknir eins og þessa og að fá að deila reynslu okkar starfsfólks í því að hugsa vel um umhverfið okkar. Við leggjum ríka áherslu á góðan frágang og landgræðslu á virkjanasvæðum okkar þar sem markvisst er unnið að endurheimt náttúrulegs gróðurs og umhverfis eftir rask. Við höfum innleitt það verklag við allar framkvæmdir á grónu landi að taka upp gróður og nýta hann beint í frágang á framkvæmdastað eða á öðrum röskuðum svæðum.

Nánar um landgræðslu

 Bakkar Andakílsár áður en farið var í framkvæmdir til að laga þá.

Bakkar árinnar eftir að þeir höfðu verið lagaðir.