ON og ÍBR hafa undirritað samstarfssamning þess efnis að ON verði helsti samstarfsaðili Norðurljósahlaupsins, sem framvegis mun bera heitið Norðurljósahlaup ON.

Norðurljósahlaupið hefur notið mikilla vinsælda allt frá því það var haldið í fyrsta sinn árið 2017. Hlaupið er hluti af Vetrarhátíð Reykjavíkur, sem fer fram dagana 5.–8. febrúar, og er sannkallað fjölskylduhlaup þar sem hlaupin eru um 4–5 km um miðbæ Reykjavíkur.
Hlaupið er þekkt fyrir mikla litagleði og einstaka stemningu, enda fá allir þátttakendur neon-ljós til að lýsa upp skammdegið og skapa litríka upplifun í vetrarmyrkrinu.

Við hjá ON erum ótrúlega ánægð með þetta nýja samstarf við ÍBR. Þetta er annað hlaupið sem ON tengir sig við, en í sumar fór Jarðvarmahlaupið fram í fyrsta sinn með miklum glæsibrag. Hlaupið vakti mikla ánægju og verður því árlegur viðburður framvegis, haldið í júlí á Hengilssvæðinu við Hellisheiðarvirkjun.

Skráning í Norðurljósahlaup ON er þegar hafin, og hvetjum við öll til að taka þátt í þessu skemmtilega og litríka fjölskylduhlaupi – upplifun sem enginn ætti að láta fram hjá sér fara! 

Skráðu þig í hlaupið