Það er margt í lífinu sem þarf rafmagn. Við kveikjum ljósin, opnum ísskápinn oft á dag, kveikjum á sjónvarpinu, setjum símann í hleðslu og núna líka bílinn.

Á þessum árstíma er hvað mest notkun á rafmagni og því vert að leiða hugann að nokkrum góðum ráðum til að hafa á bakvið eyrað:

• Oft má ráða af ljósum og öðrum raftækjum hvort eitthvað er athugavert við rafkerfið

• Ef skipta þarf oftar um perur í einu ljósastæði en öðru getur það m.a. bent til bilunar

• Oft eru mörg raftæki í gangi inni í hverju herbergi og jafnvel notuð fjöltengi. Við þessar aðstæður er mjög mikilvægt að skipta um brotnar klær, ganga úr skugga um að allar rafmagnssnúrur séu heilar og að hvergi sjáist í bera víra

• Notum aðeins fjöltengi með rofa og pössum að hlaða ekki of mörgum rafmagnstækjum á eitt fjöltengi

• Raftæki geta ofhitnað ef þeim er staflað þétt ofan á hvert annað í lokuðu rými

• Þegar slökkt er á sjónvarpi með fjarstýringu helst straumurinn áfram á því og brunahættan er stöðugt fyrir hendi – hvort sem tækin eru ný eða gömul

• Látum logandi kerti aldrei standa ofan á raftæki

• Hendum gömlum jólaljósum sem eru úr sér gengin

• Notum ætíð ljósaperur af réttri gerð, stærð og styrkleika

• Gætum þess að brennanleg efni séu ekki nálægt jólaljósum

• Óvarinn rafbúnaður getur valdið raflosti

• Vörum okkur á óvönduðum jólaljósum

• Inniljós má aldrei nota utandyra

• Förum eftir leiðbeiningum um uppsetningu og notkun á öllum raftækjum

• Kíktu á reykskynjarann. Það er góður siður að skipta um rafhlöðu reglulega og sérstaklega fyrir jólin

  
  

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.