Ný verðskrá ON tekur gildi frá og með 1. apríl 2025

Almennur taxti:

Almennur taxti: 11,41 kr. með vsk./kWh – óbreytt verð

Um leið og við afnemum vildarkjör á heimilisrafmagni þá kynnum við nýjan breytilegan raforkutaxta, Orkuvísi.

Orkuvísir. Nýr breytilegur taxti sem er frábær valkostur fyrir heimili til að hafa áhrif á raforkuverðið

Í tilfellum þeirra viðskiptavina sem hafa fengið snjallmæli og dreifiveita þeirra hafið að skila inn gögnum þá opnast nýr möguleiki á að innheimta raforku eftir raun notkun og verði sem endurspeglar innkaupsverð/markaðsverð raforkunnar á hverjum klukkutíma innan dagsins.Breytilegur taxti, Orkuvísir, er fyrsta skref ON í átt að því að opna á möguleika viðskiptavina að hafa áhrif á eigin rafmagnsreikning með ábyrgri eigin notkun. Taxtinn er byggður upp á markaðsverði raforku á hverjum klukkutíma og hentar heimilum sem geta stýrt raforkunotkun á ódýrari tíma, t.d. með því að hlaða rafbílinn á nóttunni.

Markmiðið er að:

• Verðskrá ON og þá sérstaklega þessi taxti endurspegli raunverð raforku hverju sinni.

• Gefa viðskiptavinum betri innsýn í það raforkuverð sem eigin notkun myndar.

• Bjóða viðskiptavinum upp á þann möguleika að hafa raunveruleg áhrif á raforkunotkun sína með því að t.d. hlaða bílinn sinn á nóttunni eða um helgar, þegar raforkuverð er lægra.

Breytilegi taxtinn, Orkuvísir, skiptist í vetrarverð og sumarverð. Innan þeirra tímabila er svo mismunandi verð eftir tímum sólarhringsins.

Þú getur skráð þig og þitt heimili á breytilegan taxta hér.