Borun á nýrri vinnsluholu við Nesjavallavirkjun er nú lokið en holan er mikilvæg fyrir áframhaldandi sjálfbæra jarðhitavinnslu á svæðinu. Áætlað er að bora fleiri holur á svæðinu á næstu mánuðum til að viðhalda framleiðslugeta virkjunarinnar.

Borun holunnar gekk vel, þrátt fyrir einhverjar áskoranir á leiðinni. Í fyrsta sinn var prófuð ný íslensk tækni sem kallast skriðtengi og eru hönnuð af sérfræðingum ÍSOR. Skriðtengin eiga að draga úr hættu á skemmdum í fóðringum holunnar vegna varmaþenslu. Þessi áfangi markar tímamót í þróun jarðborunartækni og var hluti af samstarfsverkefni ON, Orkuveitunnar og ÍSOR.

Í meðfylgjandi myndbandi fara sérfræðingar nánar yfir hvernig skriðtengin virka og hvaða vandamál þau geta leyst.