Stefna um upplýsingaöryggi og persónuvernd
Orka náttúrunnar lítur á meðhöndlun og varðveislu upplýsinga sem mikilvægan þátt í að styðja við ákvarðanatöku og framvindu ferla fyrirtækisins og nauðsynlegan þátt í virðiskeðju þess. Það er stefna ON í upplýsingaöryggi og persónuvernd að upplýsingar séu réttar, tiltækar og trúnaðar gætt þar sem við á. Öll meðferð ON á persónuupplýsingum lýtur lögum um persónuvernd og vinnslu persónuupplýsinga og reglum sem settar eru samkvæmt þeim.
Þetta gerir ON með því að:
finna og meðhöndla áhættu og vinna að stöðugum umbótum.
treysta fólki og fela því umsjón með upplýsingaöryggi og persónuvernd með því að efla vitund.
verja gögn og tryggja að trúnaðar sé gætt.
vinna með gögn þannig að þau skili sér á réttan vistunarstað, séu rétt, spillist ekki og að úr verði áreiðanlegar upplýsingar.
tryggja réttindi einstaklinga með tilliti til persónuupplýsinga þeirra.
notendur hafi auðveldan aðgang að upplýsingum og þjónustu sem þeir hafa þörf fyrir hverju sinni – Opið en öruggt.
Stefna um upplýsingaöryggi og persónuvernd ON byggir á gildum og heildarstefnu ON og er sett fram til samræmis við eigendastefnu samstæðu OR.
[Sameinuð stefna upplýsingaöryggis og persónuverndar yfirfarin og samþykkt á stjórnarfundi ON 22.03.2023]