Undanfarin ár hefur Orka náttúrunnar átt í góðu samstarfi við Veiðifélag Andakílsár og Laxaeyri um ræktun laxaseiða úr Andakílsá. Sá stuðningur sem felst í seiðaeldinu skiptir sköpum í að lífríki árinnar haldi sér og veiði geti haldið þar áfram.

Verkefnið hefur gengið afar vel, sem og veiðin sjálf. Reyndar svo vel að á síðasta ári var Andakílsá í toppsæti í veiði per stangadag á landinu öllu.

Í meðfylgjandi myndbandi fáum við að kynnast ferlinu, allt frá ræktun hrognanna þar til veiðimenn taka fiskinn á stöng um það bil þremur árum síðar.