Ingunn Gunnarsdóttir, leiðtogi nýsköpunar hjá ON, kom nýlega fram í þáttaröðinni Travel Redefined: Tourism for People and Planet, sem er samstarfsverkefni Íslandsstofu, Global Sustainable Tourism Council og Content With Purpose. Í þættinum er fjallað um það hvernig jarðhitinn er ekki aðeins uppspretta orku heldur hefur hann orðið lykill að velferð samfélagsins og hagkerfisins m.a. sjálfbærri ferðaþjónustu en farið var í heimsókn bæði í Friðheima og Jarðhitasýninguna í Hellisheiðarvirkjun.

Ingunn talaði m.a. Jarðhitagarð og hlutverk hans en þar hefur Orka náttúrunnar byggt upp samfélag framsækinna fyrirtækja sem skilja mikilvægi hringrásarhugsunar. Hún veitir einnig innsýn í það hvernig nýting jarðvarma í landbúnaði og ferðaþjónustu getur stuðlað að sjálfbærni og nýsköpun innan þessara greina.

„Það þurfti mikla framtíðarsýn, hugrekki og hugvit til að koma okkur í þá stöðu að vera þjóð sem nýtir nánast einungis endurnýjanlega orku.“

Viðtalið er hluti af alþjóðlegu verkefni sem miðar að því að sýna hvernig ferðaþjónusta getur verið sjálfbær, ábyrg og betur tengd við náttúruna. Það er unnið í samstarfi við Íslandsstofu og hefur það að markmiði að kynna nýjar leiðir í ferðaþjónustu sem leggja áherslu á samfélag og umhverfi.

Umfjöllunina um ON, Jarðhitagarð og Friðheima má sjá hér fyrir neðan.