Fjölskyldudagur ON verður haldinn í Jarðhitasýningunni í Hellisheiðarvirkjun, sunnudaginn 11. maí klukkan 13:00 - 15:00. Þennan dag er frítt inn á Jarðhitasýninguna og við bregðum á leik og kynnum undur jarðhitans fyrir ungum sem öldnum. Frekari upplýsingar um Fjölskyldudaginn er hér: https://fb.me/e/5BZmyCjeA 

Útgáfuhóf Forvitnisbókarinnar verður haldið á Fjölskyldudaginn en Forvitnisbókin er ný fræðslu-, lita- og þrautabók um jarðhitann og frábær fyrir forvitna krakka sem hafa gaman af því að lita. Forvitnisbókin þróaðist út frá Forvitnishorninu í Jarðhitasýningunni, Ninna Þórarinsdóttir teiknaði myndirnar og Kathryn Ann Teeter og teymið á Jarðhitasýningunni skrifaði textann.

Vísinda-Villi og Stjörnu Sævar verða líka á svæðinu á Fjölskyldudaginn og fræða gesti og Sirkus Ísland leikur listir sínar. Einnig verður hægt að taka þátt í ratleik og börn geta tekið þátt í alls kyns skemmtilegum verkefnum. Léttar veitingar verða í boði.

Fjölskyldudagurinn er fullkomin leið til að upplifa skemmtilega hluti með fjölskyldunni á sunnudegi og starfsfólk ON hlakkar til að taka á móti gestum.