Þetta getum við gert:
Hugsað vel um auðlindirnar og sýnt náttúrunni virðingu
Lagað til eftir okkur og grætt upp landið
Kolefnisbundið með skógrækt
Breytt koltvísýringi í grjót með hjálp Carbfix
Eflt þróun og græna nýsköpun til að fullnýta jarðhitann á sjálfbæran hátt
Valið endurnýjanlega orkugjafa umfram aðra
Verið til fyrirmyndir í umhverfismálum og hvatt aðra til að minnka sitt kolefnisspor
Kolefnishlutlaus fyrir 2030
Jarðhitavirkjanir okkar eru með eitt minnsta kolefnisfótspor í sínum flokki – en við viljum gera betur og vera fyrirmynd annarra í umhverfismálum. Vinnsla rafmagns með jarðhita veldur losun lofttegunda, sem koma upp með gufunni á jarðhitasvæðum, og koltvísýringur (CO2) er þar á meðal.
Hvað eru kolefnisspor og af hverju skipta þau máli?
Kolefnisspor vöru og þjónustu segja okkur hversu mikill útblástur gróðurhúsalofttegunda fylgir framleiðslu og notkun þeirra. Því minna sem kolefnissporið er, því minni áhrif hefur varan eða þjónustan á loftslagsbreytingar og hlýnun jarðar. Losun koltvísýrings (CO2) frá jarðhitavirkjunum Orku náttúrunnar er lítil miðað við annars konar rafmagnsframleiðslu:
Jarðhiti: 7,5 gr. af CO2 á kWs
Kol: 800 gr. af CO2 á kWs
Íslenskt verkvit minnkar kolefnisspor!
Orka náttúrunnar hefur þróað og byggt upp einstakt vélaverkstæði þar sem viðgerðir á búnaði virkjunarinnar eru gerðar með gæðum á heimsmælikvarða. Þar með helst þekkingin á Íslandi með aukinni verðamætasköpun í störfum, en auk þess drögum við úr kolefnisspori starfseminnar með því að gera við þungan og umfangsmikinn búnað á staðnum í stað þess að flytja í viðgerð til útlanda eins og áður þurfti að gera.
