Fréttir
29. apríl 2021

Skjálfti á Mosfellsheiði

Jarðskjálfti af stærð 3,8 varð á um 6 km dýpi á Mosfellsheiði vestan við Nesjavallavirkjun klukkan 11:37 í morgun. Sérfræðingar ON telja skjálftann ekki tengjast grunnri niðurdælingu sem á sér stað á svæðinu enda hefur ekki verið dælt þar niður síðan í október á síðasta ári. Nokkrar skjálftahrinur hafa mælst á svæðinu undanfarin ár og er þessi virkni talin tengjast þeim.

Ástæða þess að vatni er dælt niður á Mosfellsheiði er til þess að minnka yfirborðslosun á umfram hitaveituvatni við Nesjavallavirkjun.

Starfsmenn Nesjavallavirkjunar fundu fyrir skjálftanum í morgun en hann hafði engin áhrif á starfsemi virkjunarinnar.

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.