Fréttir
11. mars 2021

Berglind Rán formaður Samorku

Berglind Rán Ólafsdóttir, framkvæmdastýra Orku náttúrunnar hefur verið kosin formaður Samorku og er þar með fyrsta konan í sögu samtakanna sem gegnir embætti formanns. Berglind tekur við af Helga Jóhannessyni, forstjóra Norðurorku, sem gegnt hefur stöðunni síðustu fimm ár.

„Ég er þakklát fyrir traustið sem mér er sýnt með því að vera falið þetta hlutverk og stolt af því að vera fyrsta konan sem því gegnir. Árið 2012 var kona fyrst skipuð í stjórn Samorku, Guðrún Erla Jónsdóttir sem þá var framkvæmdastjóri Orkuveitu Húsavíkur og er nú stefnustjóri Orkuveitu Reykjavíkur. Hún gegndi síðar hlutverki varaformanns stjórnarinnar. Þessi þróun endurspeglar árangur í kynjajafnréttismálum í orkugeiranum á Íslandi þó að enn sé nokkuð langt í land“ segir Berglind.

Stjórn Samorku, að loknum aðalfundi 2021, skipa:

Aðalmenn:

Berglind Rán Ólafsdóttir, formaður stjórnar, Orku náttúrunnar
Gestur Pétursson, Veitum
Guðmundur Ingi Ásmundsson, Landsneti
Helgi Jóhannesson, Norðurorku,
Kristín Linda Árnadóttir, Landsvirkjun
Sigurður Þór Haraldsson, Selfossveitum
Tómas Már Sigurðsson, HS Orku

Varamenn:

Arndís Ósk Ólafsdóttir, Veitum
Elías Jónatansson, Orkubúi Vestfjarða
Gunnar Hrafn Gunnarsson, Orkuveitu Húsavíkur
Helga Jóhanna Oddsdóttir, HS Veitum
Hörður Arnarson, Landsvirkjun

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.