Orka náttúrunnar hefur skipt um færsluhirði fyrir greiðslukort. Við þetta verða þó nokkuð margir viðskiptavinir fyrir því að þurfa að skrá greiðslukortaupplýsingar sínar inn að nýju. Greiðslur sem hafa hingað til farið sjálfkrafa af greiðslukorti þessara viðskiptavina munu ekki gera það í þetta sinn.  

Þetta á við um greiðslur vegna heimilisrafmagns, ekki fyrir hleðslu rafbíla. Hleðslustöðvar ON hafa notast við greiðslumiðlun Nets og gera það áfram.  

Viðkomandi viðskiptavinir munu fá tilkynningu þess efnis og fá þeir sendan greiðsluseðil í heimabanka þar til upplýsingar hafa verið skráðar að nýju á Mínum síðum á heimasíðu ON.   

Ástæðan fyrir því að skrá þarf kortaupplýsingar að nýju er gagnaöryggi. Eldri kreditkortasamninga þarf að endurnýja af öryggisástæðum þar sem þeir uppfylla ekki lengur þær kröfur sem ON gerir til  slíkra viðskipta.   

ON vill, öryggisins vegna, ekki vista kortaupplýsingar og eru þær ávallt vistaðar hjá viðkomandi færsluaðila.   

Vinsamlega athugið að starfsfólk ON má ekki og getur ekki skráð kortaupplýsingar fyrir viðskiptavini, hvorki í gegnum síma né á rafrænu formi.  

ON vill fyrst og fremst tryggja viðkvæmar upplýsingar viðskiptavina um leið og við veitum bestu mögulega þjónustu til að einfalda greiðsluleiðir.