Styrkur brennisteinsvetnis yfir sólarhringsmörk

Nú fyrr í dag, miðvikudaginn 1. mars, fór styrkur brennisteinsvetnis yfir sólarhringsmörk, sem eru 50 mikrogrömm/rúmmeter, á mælistöð í Norðlingaholti.

Veðuraðstæður eru þannig að líkur eru á auknum styrk brennisteinsvetnis næstu daga. Brennisteinsvetni getur haft áhrif á öndunarfæri þeirra sem viðkvæmastir eru.

ON hreinsar nú tvo þriðju af brennisteinsvetninu sem berst með gufunni sem Hellisheiðarvirkjun nýtir. Líkur á því að styrkur fari yfir mörk eru því minni en áður en hreinsun hófst.

Við sérstök veðurskilyrði, eins og nú, myndast svokölluð veðrahvörf sem gufan og brennisteinsvetnið sem eftir er í henni, fer ekki uppúr og dreifist því minna en ella og berst undan austanáttinni til borgarinnar.

Brennisteinninn fylgir jarðhitanýtingunni og ON telur sig komið með hagkvæma og góða lausn í hreinsistöðinni og með niðurdælingunni. Þótt umfang hreinsunar og niðurdælingar hafi ekki komið í veg fyrir að styrkur hafi farið upp fyrir mörk í dag telur ON sig vera á réttri leið með réttu lausnina.

Generic Image