Hlaða ON SuðurfelliHlaða ON Suðurfelli

Vertu viss hvar næsta hlaða er

Við höfum lagt mikinn metnað í að þétta hlöðunet okkar um land allt til að þjónusta okkar viðskiptavini sem allra best og erum hvergi hætt.

Í mars árið 2014 hóf ON uppbyggingu innviða fyrir rafbíla með fyrstu hraðhleðslunni við Sævarhöfða í Reykjavík. Mikið vatn hefur runnið til sjávar síðan þá og eru hleðslur ON nú yfir 50 talsins, hringinn í kringum landið. Þessi uppbygging er liður í því að vera í fararbroddi þegar kemur að orkuskiptum í samgöngum á Íslandi og styðja þar með við minnkun kolefnissporsins í heiminum.

Verðskrá

Verð á hraðhleðslu (DC 50 kW) er 19 krónur á mínútu auk 20 króna fyrir hverja kílóvattstund.
Verð á hleðslu (AC 22 kW) er 2 krónur á mínútu auk 20 króna fyrir hverja kílóvattstund.

Markmið okkar er að:

  • reka og þjónusta hraðhleðslur við helstu þjóðvegi þannig að viðskiptavinir geti hlaðið bíla sína á ferð um landið.
  • bjóða upp á hleðslu rafmagnsbíla, bæði hraðhleðslu og hefðbundna hleðslu á höfuðborgarsvæðinu.
  • bjóða fyrirtækjum hleðsluleiðir fyrir viðskiptavini sína, uppsetningu, rekstur og þjónustu allan sólarhringinn allt árið. Í því felst einnig aðgengi að viðskiptakerfi fyrirtækisins og þar með greiðslukerfi.
  • bjóða lausnir fyrir fjölbýlishús, veita ráðgjöf bæði á sviði hleðslulausna og viðskiptakerfis. Þegar við á bendir fyrirtækið á tæknilega aðila sem geta sett upp og rekið stöðvar fyrir fjölbýli.

Hverskonar hleðslur eru í hlöðum ON?

Í hlöðum ON eru ýmist hraðhleðslur (50kW) og hleðslur (22kW) eða hvorutveggja.

Hvaða tengi eru á hraðhleðslum og hleðslum ON?

  • CHAdeMO  CHAdeMO
  • CCS  CCS
  • Type2  Type 2
  •   Type 1

Listi yfir hlöður ON með upplýsingum um tegundir og fjölda tengja á hverjum stað.

Hvaða tengi passar hvaða rafbíl?

Það getur verið mjög mismunandi og mikilvægt að rafbílanotendur kynni sér hvaða tengi passar hverri tegund. Neðst á síðunni „Af hverju rafbíll?“ má sjá töflu yfir rafbíla með upplýsingum frá helstu framleiðendum raf- og tengiltvinnbíla.

Hversu lengi dugir hleðslan?

Rafbílar í dag eru mun langdrægari en þeir voru fyrir nokkrum árum. Það er þó misjafnt eftir bílum hversu lengi hleðslan endist. Notendur er hvattir til að kynna sér endingu hleðslunnar, en það eru ýmsir þættir sem hafa áhrif á endingu og afköst rafhlaða í bílum, t.d. kuldi, aðstæður á vegum og fleira. Það er rétt að hafa í huga að miðstöð, rúðu- og sætishitarar og aðrir hlutar bílsins nota orku frá sömu rafhlöðu og keyrir bílinn áfram. Hver og einn þarf að taka mið af þessum þáttum þegar rafbíll er notaður.

Brúin yfir Markarfljót með Íslandskorti

Hvernig get ég fylgst með stöðunni á hlöðum ON?

Sæktu ON hleðsluappið fyrir Android eða iOS og sjáðu staðsetningar og stöðu á hlöðunum.

Hvað kostar að nota hraðhleðslu?

Verð á hraðhleðslu (DC 50 kW) er 19 krónur á mínútu auk 20 króna fyrir hverja kílóvattstund.

Hvað kostar að nota venjulega hleðslu?

Verð á hleðslu (AC 22 kW) er 2 krónur á mínútu auk 20 króna fyrir hverja kílóvattsund.

Hvað kostar að hlaða rafbíl?

Verð á hraðhleðslu (DC 50 kW) er 19 krónur á mínútu auk 20 króna fyrir hverja kílóvattstund. Verð á hleðslu (AC 22 kW) er 2 krónur á mínútu auk 20 króna fyrir hverja kílóvattstund.

Kostar það sama að nota hraðhleðslu (50kW) og hleðslu?

Í hlöðum ON eru ýmist hraðhleðslur, hleðslur eða hvorutveggja. Sjá verðskrá í svarinu hér að ofan. Frístandandi minni hleðslur eru gjaldfrjálsar enn um sinn.

Fæ ég kvittun í hvert sinn sem ég hleð?

Þú færð ekki útprentaða kvittun, en notkun færist beint á kortið sem þú hefur skráð á Mínum síðum þegar þú virkjaðir lykilinn. Þar birtist reikningurinn.

Hvernig og hvar fæ ég afrit af reikningum?

Reikningar og notkunarupplýsingar eru á Mínum síðum ON.

Götuljós