Vertu viss hvar næsta hleðsla er
Við höfum lagt mikinn metnað í að þétta hleðslunetið okkar um land allt til að þjónusta okkar viðskiptavini sem allra best og erum hvergi nærri hætt. Við mælum með að rafbílaeigendur sæki ON hleðsluappið til að geta fundið lausa hleðslustöð og fylgst með eigin notkun.
Vertu viss um að vera með ON lykilinn því þú getur greitt með honum í hleðslur ON allan hringinn. Einnig er mikilvægt að muna eftir þinni eigin hleðslusnúru fyrir allar minni hleðslur ON.
Ferðaráð
Þegar lagt er í ferðalag á rafbíl er gott að hafa nokkra hluti í huga:
- Hafðu lausu hleðslusnúruna með
- Notaðu miðstöðina/kælinguna í hófi
- Ekki taka of hratt af stað
Markmið okkar er að:
- reka og þjónusta hraðhleðslur við helstu þjóðvegi þannig að viðskiptavinir geti hlaðið bíla sína á ferð um landið. Hér má sjá hleðslukortið okkar.
- bjóða upp á hleðslu rafmagnsbíla, bæði hraðhleðslu og hefðbundna hleðslu á höfuðborgarsvæðinu.
- bjóða fyrirtækjum hleðsluleiðir fyrir viðskiptavini sína, uppsetningu, rekstur og þjónustu allan sólarhringinn allt árið. Í því felst einnig aðgengi að viðskiptakerfi fyrirtækisins og þar með greiðslukerfi.
- bjóða lausnir fyrir fjölbýlishús, veita ráðgjöf bæði á sviði hleðslulausna og viðskiptakerfis. Þegar við á bendir fyrirtækið á tæknilega aðila sem geta sett upp og rekið stöðvar fyrir fjölbýli.
Hleðsla án ON-lykils
Að hlaða án ON-lykils
Hleðslustöðvar ON eru einnig aðgengilegar notendum sem eru ekki með ON-lykil.
Hverskonar hleðslur býður ON upp á?
ON býður upp á hleðslur frá því allt að 22 kW, 50 kW og 150 kW.
Í hleðslustöðvum ON eru ýmist hraðhleðslur (50kW og 150KW) og hleðslur (22kW) eða hvorutveggja.
Hvaða tengi eru á hleðslum ON?
CHAdeMO
CCS
Type 2
Hér er hleðslukort ON með upplýsingum um hleðslur og fjölda tengja á hverjum stað.
Hvaða tengi passar hvaða rafbíl?
Það er mikilvægt að rafbílaeigendur kynni sér hvaða tengi bíllinn þeirra getur nýtt, til þess að gera sér grein fyrir hvar hægt er að hlaða bílinn. Neðst á síðunni „Af hverju rafbíll?“ má sjá töflu yfir rafbíla með upplýsingum um hvaða tengi hver bíll notar frá helstu framleiðendum raf- og tengiltvinnbíla.
Hversu lengi dugir hleðslan?
Rafbílar í dag eru mun langdrægari en þeir voru fyrir nokkrum árum. Það er þó misjafnt eftir bílum hversu lengi hleðslan endist. Notendur er hvattir til að kynna sér endingu hleðslunnar, en það eru ýmsir þættir sem hafa áhrif á drægni rafhlaða í bílum t.d. kuldi eða hiti úti, hversu heit eða köld rafhlaðan sjálf er, aðstæður á vegum og fleira. Það er rétt að hafa í huga að miðstöð, rúðu- og sætishitarar, útvarp og aðrir hlutar bílsins nota orku frá sömu rafhlöðu og keyrir bílinn áfram. Það er því mikilvægt að fylgjast með heildar notkun bílsins.
Hvernig get ég fylgst með stöðunni á hleðslum ON?
Sæktu ON hleðsluappið fyrir Android eða iOS og sjáðu staðsetningar og stöðu á hleðslunum.
Hvað kostar að hlaða rafbíl?
Fæ ég kvittun í hvert sinn sem ég hleð?
Þú færð ekki útprentaða kvittun, en notkun færist beint á kortið sem þú hefur skráð á Mínum síðum þegar þú virkjaðir lykilinn. Þar birtist reikningurinn.
Hvernig og hvar fæ ég afrit af reikningum?
Reikningar og notkunarupplýsingar eru á Mínum síðum ON.
