Orka kvenna

ON, Orkuveita Reyjavíkur og Gagnaveita Reykjavíkur blása til ljósmyndasamkeppni á Instagram fyrir ungt fólk til að heiðra 100 ára afmæli kosningaréttar kvenna.

Keppnin er fyrir alla á aldrinum 13 til 20 ára og birtast myndirnar allar á nýrri vefsíðu, orkakvenna.is.

  • Þátttakendur taka mynd sem þeir telja beisla orku kvenna; hvort sem hana er að finna í fólki, listaverkum, náttúrunni eða öðru.
  • Myndinni er deilt á Instagram undir myllumerkinu #orkakvenna.
  • Ljósmyndirnar safnast saman á orkakvenna.is og á Instagram.
  • Besta myndin og frumlegasta myndin verða valdar af skipaðri dómnefnd, en einnig verða veitt verðlaun fyrir vinsælustu myndina.
  • Allir þátttakendur á aldrinum 13 til 20 ára geta unnið til verðlauna.

 

Keppnin hófst mánudaginn 1. júní, og lýkur á miðnætti 20. júní, til að allir hafi tök á að birta myndir af hátíðarhöldunum á afmælisdaginn sjálfan, 19. júní. Úrslit verða tilkynnt fimmtudaginn 25. júní.

 

Viðburðurinn er hluti af hátíðarhöldum vegna 100 ára afmælis kosningaréttar kvenna. Dómnefnd skipa þau Sunna Ben, ljósmyndari og listakona, sem er jafnframt formaður dómnefndar, Ragnheiður Elín Árnadóttir iðnaðarráðherra, Dagur B. Eggertsson borgarstjóri, Salka Sól Eyfeld, söng- og leikkona, og Hildur Ingvarsdóttir, forstöðumaður viðhaldsþjónustu Orkuveitunnar.

 

#orkakvenna á Instagram

Orka náttúrunnar á Facebook

Orkuveita Reykjavíkur á Facebook

Gagnaveita Reykjavíkur á Facebook

Orka kvenna
#orkakvenna