Hlöður opnaðar í Vík og á Kirkjubæjarklaustri

Fimmtudaginn 5. október opnaði ON hlöður með hraðhleðslu fyrir rafbíla í Vík og á Kirkjubæjarklaustri. ON rekur nú alls 19 hlöður víðs vegar um landið.

Fyrstu hraðhleðslurnar voru settar upp í Reykjavík árið 2014 og frá þeim tíma hefur ON verið leiðandi í uppbyggingu innviða fyrir rafbíla. Á þessum þremur árum hefur rafbílum, sem nýtt geta hraðhleðslurnar, fjölgað ört. Nýju hraðhleðslurnar eru staðsettar við þjónustustöðvar N1 í Vík og á Kirkjubæjarklaustri.

,,Það er afar ánægjulegt að opna þessar tvær nýju hlöður í Vík og á Kirkjubæjarklaustri í góðu samstarfi við N1. Við erum á góðri leið með að opna hringinn kringum landið með hraðhleðslum. Við leggjum mikla áherslu á uppbyggingu innviða fyrir rafbíla sem býður upp á umhverfisvænni og hagkvæmari samgöngur,” segir Hafrún Þorvaldsdóttir, sölustjóri hjá Orku náttúrunnar.

Sjá nánari upplýsingar um Hlöður ON

ON Hlaða opnuð á Vík
Hafrún Þorvaldsdóttir, sölustjóri á einstaklingsmarkaði ON og Þorgeir Guðnason, verslunarstjóri N1 í Vík.