Generic Image

Heimili

Þjónusta & reynsla


Verðskrá

Raforkulög kveða á um að orkureikningar séu sundurliðaðir í flutning, dreifingu og sölu. Dreifing og flutningur er háð sérleyfi en sala á raforku er frjáls.

Orkuverð ON er 7,55 kr/kWh og samanstendur upphæðin af rafmagnsverði og virðisaukaskatti
(fyrir almenna notkun án dreifingar og flutnings með sköttum).

ON innheimtir seðilgjald eða tilkynningar- og greiðslugjald vegna birtingar reikninga. Gjaldið er breytilegt eftir því hvort um er að ræða greiðsluseðla á pappír eða ekki.

Gildir frá 1. janúar 2017.


Komdu í viðskipti

Þú getur keypt rafmagn af okkur hvar sem þú býrð á landinu. Sendu okkur þínar upplýsingar og við sjáum um afganginn.

Skráðu þig í viðskipti hér


Græn heimili

Frá árinu 2012 hefur íslenskum heimilum sem eru í viðskiptum við ON staðið til boða að fá upprunavottorð rafmagns, öðru nafni Græn skírteini, án endurgjalds. Öll raforka sem framleidd er á Íslandi er græn og endurnýjanleg. Græn skírteini eru notuð til þess að hvetja til fjárfestinga í endurnýjanlegum orkugjöfum í Evrópu með því að skapa fjárhagslegan hvata fyrir erlend orkufyrirtæki til að vinna meiri orku á endurnýjanlegan hátt og draga þar með úr losun gróðurhúsalofttegunda.

Hvernig virka græn skírteini?

Græn skírteini, öðru nafni upprunavottorð, eru notuð til þess að hvetja til fjárfestinga í endurnýjanlegum orkugjöfum í Evrópu. Grænu skírteinin ganga kaupum og sölum í Evrópu og þannig geta fyrirtæki sem framleiða græna orku selt slík skírteini á milli landa. Með þeim geta fyrirtæki staðfest að vörur þeirra séu framleiddar með hreinni orku og greiða þau aukalega fyrir það samkeppnisforskot.

Þannig stuðla Íslendingar að því að fjárhagslegur hvati skapist fyrir erlend orkufyrirtæki til að vinna meiri orku á endurnýjanlegan hátt og draga þar með úr losun gróðurhúsalofttegunda.

Öll ON heimili græn

Heimili sem eru í viðskiptum við ON geta fengið Grænt skírteini fyrir alla orkunotkun heimilisins án endurgjalds.


Reiknivél

Hvað fer mikil orka í að halda mjólkinni kaldri? Reiknivélin okkar leiðir þig í sannleikann um rafmagnsnotkun heimilisins.

Þurrkari er þarfaþing og til á flestum heimilum, vissir þú að ef þú setur 8 sinnum í viku í þurrkarann kostar það rúmar 10 þúsund krónur á ári. Er ekki kominn tími á að taka fram þvottagrindina og hengja upp það allra heilagasta?

Fara í reiknivél


Breyta um greiðslumáta

Umhverfismál og náttúran skipta okkur gríðarlegu máli. Við hvetjum okkar viðskiptavini til að velja rafræna greiðslumáta í stað greiðsluseðils.

Breyttu um greiðslumáta


Vertu í sambandi

Viltu koma til okkar í viðskipti, fá ráðgjöf eða hefurðu spurningar sem þú finnur ekki svör við á síðunni?

Hafa samband